यारे या सारे या,
शाळेतच सारे *जमू या;*
सोडून शिदोरी आठवणींची,
लज्जत मैत्रीची *वाढवू या…*

सहकारी भेटतील *जूने नवे,*
खेळ खेळूया त्यांच्यासवे;
मनसोक्त बागडू अंगणात या,
तृप्त होण्या आणखी काय हवे…

ऐकू *गुरुवचने* प्रेमभरे,
मार्गदर्शन हे अनमोल बरे;
गमतीजमती वाटचाल जीवनाची,
*शब्द त्यांच्याशी बोलू स्नेहभरे…*

संघ *’माजीं’* चा जरी,
मात्र शाळा ही *’माझी’* च खरी;
*आठवून स्मृती भिरभिरे नजर,*
बदलले स्वरूप आता कितीतरी…

*”एकी हेच बळ”* तत्व जाणले,
आधार *सवंगड्यांना मानले;*
ऋणातून उतराई होण्यासाठी,
पर्याय चांगले *किती सुचले…*

महत्त्व *’गुल्लक योजने’* चे,
थेंबे थेंबे तळे साचे;
नव्या पिढीचे आधार होऊनी,
घडवू *सक्षम नागरिक उद्याचे…*

विद्यार्थी संघाचे बळ वाढविण्या,
*’सबळ योजना’* समजून घ्या;
बांधिलकी यामध्ये *प्रतिमहिना,*
हातभार लावण्या *सत्कार्या…*

अखंड तेवो *नंदादीप हा,*
अभिमानाने सांगू *नाव पहा;*
करूया शाळेचे ब्रीदवाक्य खरे,
*प्रज्वलितो ज्ञानमयः प्रदिपः*

🎶_*शब्दरचना*_
*मनोज बिर्ला*